സാക്ഷി
വേനലിനും വസന്തത്തിനും
മഴക്കും മഞ്ഞിനും
സാക്ഷി ഞാന്
ഉരുകുന്ന ഹൃദയത്തിനും
കൊഴിയുന്ന പൂവിനും
അടര്ന്ന പ്രണയത്തിനും
സാക്ഷി ഞാന്
പറന്നുവന്ന പക്ഷി തൂവലിനും
പൊട്ടി വീണ വളപൊട്ടിനും
അടുത്തുവന്ന സുഗന്ധ ത്തിനും
തിരഞ്ഞു വന്ന ഓര്മക്കും
സാക്ഷി ഞാന്
വിടര്ന്ന ആമ്പല്പൂവിനും
വീണുടഞ്ഞ സ്വപ്നത്തിനും
വിതുമ്പി നില്കുന്ന മഴക്കും
കിതച്ചു പോകുന്ന കാറ്റിനും
സാക്ഷി ഞാന്
വെന്തുരുകുന്ന ആത്മാവി നും
മോക്ഷം തേടുന്ന ജീവനും
ഉതിര്ന്നു വീണ നീരിനു
ആ പൊട്ടി കരച്ചിലിനും
സാക്ഷി ഞാന്
മേഘത്തിനുള്ളിലെവിടെയോ
ഒളിച്ചിരിക്കാന്
എല്ലാം കണ്ടു കരയാന്
എല്ലാം കണ്ടു ചിരിക്കാന്
നിസഗ്നായ ഞാന് ആരാണ് .....................?
No comments:
Post a Comment