മൃഷ്ടാന്നഭോജനം നടത്തി
ആഭാസ നാവുകൊണ്ടായിരം
നടക്കാ വാഗ്ദാനമേകി
അരവയര് ഭക്ഷിക്കുന്നവന്റെ
ഉടുമുണ്ടില് കുത്തിപ്പിടിച്ചവനോട്
രാഷ്ട്രീയവിസര്ജ്യം മാറി മാറി
വിളമ്പി ഇല്ലാത്തവന്റെ
കണ്ണുനീരിന്റെ ഉപ്പളക്കുന്നവനല്ലേ
യഥാര്ത്ഥ ദരിദ്രന് ?
ഒട്ടിയ വയറിന്റെ മടക്കിലൂടൊഴുകിയ
വിയര്പ്പില്, അതിന്റെ ഉപ്പില്
മക്കളെ ഊട്ടിയുറക്കി
അവന്റെ ചെറുകൂരയില്
സ്നേഹം പിറക്കുമ്പോള് ,
പാതിവയര് വിശപ്പിലാളുമ്പോള് ,
സൗമ്യനായിച്ചിരിക്കുന്ന
ഇവനാണോ ദരിദ്രന് ?
പഴയകഥയിലെ സൂത്രക്കാരന്
കുറുക്കനെപ്പോല്
തമ്മിലടിപ്പിച്ചും
കൊന്നും കൊലവിളിച്ചും
പെണ്ണിന്റെ മേനിയളന്നും
കുഞ്ഞുങ്ങളില് കാമംതീര്ത്തും
പനപോലെവളരുന്ന നീയല്ലേ ദരിദ്രന് ..!
Benila Ambika
